Програма на патување:
1.ден 08.10.2024 (вторник) СКОПЈЕ – МОНТЕКАТИНИ
Состанок на групата во 10.30 часот (претпладне) на паркингот кај спортска сала Борис Трајковски (кај пералните). Поаѓање за Италија во 11.00 часот. Дневно и ноќно возење преку Србија, Хрватска и Словенија со попатни паузи за одмор и обавување на царински формалности.
2.ден 09.10.2024 (среда) МОНТЕКАТИНИ – ПИЗА – МОНТЕКАТИНИ
Пристигнување во претпладневните часови во Монтекатини Терме. Оставање на багажот на рецепција во хотел и заминување на прошетка низ Монтекатини Терме. Прошетка низ центарот Пјаца дел Пополо, Терме дел Тетучо, Монтекатини Алто (можност за возење со туристичко вовче до Монтекатини Алто со доплата од цирка 6€ на лице место). Враќање во хотелот во попладневните часови и чекирање во хотел. Слободно време за одмор и индивидуални активности. Во вечерните часови во договорено време заминување на организирана посета на Пиза. Прошетка по еден од највеличенствените плоштади во Италија – Piazza dei Miracoli или Плоштадот на Чудата, заедно со Катедралата Il Duomo, Крстилиницата Свети Јован San Giovanni и познатиот симбол на Пиза, Кривата кула. Слободно време за индивидуални активности, прошетки и фотографирање. Враќање во хотел. Ноќевање.
3.ден 10.10.2024 (четврток) МОНТЕКАТИНИНИ – СИЕНА – САН ЏИМИЊАНО – МОНТЕКАТИНИ
Појадок. Ден предвиден за факултативен излет во градовите Сиена и Сан Џимињано. Пристигнување во Сиена, веројатно најубавиот средновековен град во Италија, вечниот ривал на Фиренца. Срцето на Сиена е нејзиниот централен плоштад во облик на школка, познат по трките со коњи Palio кои тука се одржуваат два пати годишно. Пешачки разглед на градот: црквата San Domenico, Катедралата Siena – Metropolitana di Sandra Maria Assunta, Pallazo Salimbeni и Piazza Salimbeni и Piazza Del Campo .. Слободно време за индивидуални прошетки и разгледи. Во договорено време патувањето го продолжуваме кон Сан Џимињано. Пристигнување во San Gimignano, типично тосканско ридско градче, лоцирано југозападно од Фиренца. Опкружен со ѕидови од 13от век, неговиот стар град е лоциран на Piazza della Cisterna, триаголен плоштад обиколен со средновековни куќи. Градот на Убавите кули од 1990год. заради своето богато историско и културно значење е под заштита на УНЕСКО. Сан Џимињано им нуди на посетителите можност да се вратат назад во времето додека уживаат во неговите локални производи, вклучувајќи производи со шафран, одлично црвено и бело тосанско вино и оригинални тоскански десерти. Слободно време за индивидуални прошетки. Во договорено време со водичот враќање во Монтекатини. Слободна вечер за индивидуални активности и прошетки. Ноќевање.
4.ден 11.10.2024 (петок) МОНТЕКАТИНИ – ЧИНКВЕ ТЕРЕ – МОНТЕКАТИНИ
Појадок. Ден предвиден за целодневна факултативна екскурзија до најпознатите и најживописни селца на италијанската ривиера, посета на националниот парк Чинкве Тере (Cinque Terre). Пристигнување во градот Ла Специја од каде со воз на Трени Италија ќе се движеме цел ден долж лигурската обала низ живописните пет селца. Чинкве Тере e низа од пет стари, рибарски села, сместени високо на италијанската ривиера во регионот Лигурија кои до неодамна беа достапни единствено со мазги и по воден пат. Прошетките и пешачењето по ова живописно крајбрежје е најдобриот начин да се истражат петте села: Riomaggiore, Manarola, Corniglia, Vernazza и Monterosso. Националниот парк Чинве Тере е познат по својата убавина и симбол на Италија. Со векови луѓето тука граделе тераси за одгледување винови лози и маслинки на грубиот, стрмен терен, долж карпите од каде се издигаат заносни панорами кон морето. Воодушевувачките погледи на пристаништата далеку под дивото, но гостопримливо крајбрежје, заедно со средновековните тврдини и изобилството на винова лоза и живописни бои го прават овој регион незаборавен. По разгледот, враќање во Ла Специја од каде се упатуваме кон Монтекатини. Ноќевање.
5.ден 12.10.2024 (сабота) МОНТЕКАТИНИ – ФИРЕНЦА – СКОПЈЕ
Појадок. После појадокот напуштање на хотелот и заминување за Фиренца, срцето на Италија и бисерот на ренесансата. Пристигнуваме во Фиренца каде се сретнуваме со локалниот водич и го започнуваме разгледот на Фиренца: Понте Векио, Палацо Векио, Галерија дељи Уфици, Плоштадот Сињори, Дуомото Санта Марија дел Фјоре, Крстилницата Сан Џовани… По разгледот оставаме доволно слободно време за индивидуални прошетки и разгледи, можност за посета на некои од музеите, дегустација на локални производи во најубавиот ренесансен град на Италија. Во договорено време поаѓање за Македонија. Ноќно возење преку Словенија, Хрватска и Србија со попатни паузи за одмор и обавување на царински формалности.
6.ден 13.10.2024 (недела) СКОПЈЕ
Планирано пристигнување во Скопје во попладневните часови.
ПРОМО цена за резервација до 15.09.2024 – 189€/11.718ден
***со пријава на пакет екскурзии
Редовна цена на аранжманот 229€/14.198ден
Цена во евра за уплата исклучиво во денарска противвредност по курс 1€/62мкд.
Цена по лице за најмалку 2 лица во соба.
Во цената на аранжманот е вклучено:
-Автобуски превоз со високотуристички автобус на наведената релација
-Сместување во хотел 3*/4* во Монтекатини Терме на база 3 ноќевања со појадок
-Организирана посета на Пиза
-Организирани посети и разгледи според програмата
-Организација и реализација на аранжманот со лиценциран туристички придружник
-Бесплатен трансфер поаѓања од Неготино, Кавадарци, Велес, Скопје и Куманово
Во цената на аранжманот не е вклучено:
-Целодневен излет на Чинкве Тере 50€ (трансфер со воз, Cinque Terre card до 5-те села и трансфер од железничка до La Spezia, доплата на лице место)
-Посета на Сиена и Сан Џимињано 50€ (трансфер, локален водич, доплата на лице место)
-Задолжителна посета на Фиренца 30€ (трансфер, локален водич, доплата на лице место)
-Туристичка такса во хотел во Монтекатини (3€ по лице од ноќ, доплата на лице место)
-Задолжително патничко осигурување
ПРОМО пакет екскурзии 120€ наместо 130€!!!
Напомени:
– За реализација на патувањето потребен е минимум од 40 патници.
– За ова патување потребно e да поседувате валиден биометриски пасош, најмалку 6 месеци пред истек од датумот на враќање.
– За резервација потребна е задолжителна уплата на депозит од најмалку 30% доплата најдоцна до 2 недели пред поаѓање.
– Со потпишување на договорот на патниците им се доделуваат седишта според времето на уплата, доколку одредени патници имаат посебни барања за конкретно седиште истото го доплаќаат во агенција.
– Цените се дадени во евра за уплата исклучиво во денарска противвредност по курс 1€=62мкд.
– Цените се дадени по лице за најмалку 2 лица во соба.
– Доплатата за еднокреветна соба изнесува 60€/3.720мкд
– Доплата за бирање на седиште во автобус 10€ по лице (за минимум 2 лица)
– Доплата за дополнително седиште во автобус 85€/5.270мкд
– За реализација на факултативите потребен е минимум од 30 патници, во случај на недоволен број на пријавени, агенцијата го задржува правото за отказ на факултативата или промена на цената.
– Агенцијата го задржува правото за отказ на аранжманот најдоцна до 7 дена пред поаѓање доколку не е исполнет бројот на пријавени лица предвидени по програмата за ова патување.
– Организаторот го задржува правото за промена на редоследот на активности во програмата во случај на потреба.
– За ова патување важат Општите Услови за Патување на СКТМ и Ваикики Травел.
