Фиренца
(Тоскана) – Нова Година
Термин: 28 Декември
Посетете ги најубавите градови на романтичната Тоскана… Доживејте ги ремек делата на Микеланџело, Леонардо, Донатело, Макијавели во Фиренца, прошетајте по познатиот плоштад на кој се одржува “palio”- трка на коњи во Сиена, сликајте се со кривата кула во Пиза… прошетајте ја бајката наречена Чинкветере… Фиренца – ренесансен дијамант во срцето на Италија. Најпопозната е по својата катедрала, Дуомо, нејзината купола и банкарското семејство Медичи. Но малку луѓе знаат дека истата таа катедрала е меѓу најдолгите цркви во Европа, дека Фиренца уште во средината на 14 век станала прв град на светот со поплочени улици и дека кратко време била и престолнина на Кралството Италија… Сиена – еден од најубавите и највпечатливи градови на Тоскана, опкружен со винови насади од кои се прави светски познатото вино Кјанти… познат по својот уникатен плоштад Piazza del Campo, кој како копнена школка со црвени бисери, од 12от век па се до денес останува неизменет и доминира со градот. Сиена е позната и по коњската трка Палио, една од најтешките и најопасни трки со коњи во светот. Додека шетате по улиците на Сиена ќе имате чувство дека сте заталкале во некое друго време… Сан Џимињано – романтично средновековно утврдено градче сместено на брдата на Тоскана… славно по својата уникатна средновековна архитектура и по своите кули, кои се гледаат на километри далечина…
1 ден – 28.12.2024 – СКОПЈЕ – Тоскана
Состанок на групата во 11:30 на паркингот кај Спортски центар Борис Трајковски. Во 12:00. Поаѓање за Фиренца, Италија. Патување преку Србија, Хрватска и Словенија, со попатни паузи за одмор, пасошка и царинска контрола. Ноќно возење.
2 ден – 29.12.2024 – Тоскана
Пристигнување во пладеневните часови во Тоскана. Сместување во хотел. Слободно време за одмор и индивидуални прошетки. Ноќевање.
3 ден – 30.12.2024– Сиена– Сан Џимињано
Појадок. После појадокот заминување на факултативен излет со водич во градовите Сиена и Сан Џимињано. Пристигнување во Сиена, градот кој низ историјата претставуал најголем ривал на Фиренца и втор по важност во Тоскана по богатата ризница на уметничко и културно наследство. Разглед на градот: црквата San Domenico, Катедралата Siena –Metropolitana di Sandra Maria Assunta, Pallazo Salimbeni и Piazza Salimbeni и плоштадот Del Campo – плоштад во облик на школка на кој се одржува познатата коњска трка Palio…Слободно време за индивидуална прошетка до поаѓањето за Сан Џимињано. Пристигнување во Сан Џимињанотипично тосканско градче опкружено со винови насади и маслинови градини. “San Gimignano dala belle Tore” во кој е добро сочуван амбиентот од XIII и XIV век, и 14-те кули кои прават една целина на ова живописно мало тосканско градче. Слободно време за индивидуална прошетка. Во договорено време враќање во хотел. Ноќевање.
4 ден – 31.12.2024 – Лука – Пиза – Фиренца (Нова Година)
Појадок. Препорачуваме организирана посета на Пизаи Лука . Пиза, град во Италија лоциран на бреговите на Тосканската ривиера, некогашна моќна поморска сила чијашто флота скоро 150 години била најголемата сила на Средоземното море. Посета на центарот на градот каде се сместени трите обележја на овој град: Piazza Dei Miracoli, Катедралата DUOMO, Крстилиницата San Giovanni, Кривата Кула (која вооедно е и најпознатата кула во Италија), Campo Santo (Стари гробишта). По посетата на Пиза, заминуваме накај Лука, познат по своето речиси недопрено старо градско јадро, опкружено со ѕидини од времето на ренесансата… Лука е одалечен на само 70 км од Фиренца и низ него тече реката Серико која на 10 км западно се влева во Тиренско море. Враќање во хотел. Вечерта дочек на НОВА ГОДИНА 2023 во Фиренца .. Секој плоштад со своја новогодишна бајка. Враќање во хотел. Ноќевање.
5 ден – 01.01.2025– Фиренца – Скопје
Појадок. Доцен појадок. По појадокот напуштање на хотелот. Заминување на факултативна посета на Фиренца. лоцирана во срцето на Тоскана на реката Арно, својот подем го доживува за време на моќната Фамилија МЕДИЧИ кои владееле од XIV- XVII век, кои се познати како големи мецени на уметноста и културата, потикнувачи на ренесансниот период. Разглед и прошетка низ градот: Палатата Векио, Катедралата Дел Фиори, Крстилницата Сан Џовани, Плоштадот Сињори, Галеријата УФИЦИ, Мостот ПОНТЕ ВЕКИО, Црквата Санта Кроче, Палатата Пити… Слободно време за индивидуални прошетки… Во договорено време поаѓање за Скопје. Денско и ноќно возење преку Словенија, Хрватска и Србија со попантни паузи за одмор, пасошка и царинска контрола.
6 ден – 02.01.2025 – Скопје
Пристигнување во Скопје во попладневни часови.
ЦЕНА НА АРАНЖМАНОТ ЗА УПЛАТА ДО 31 ОКТОМВРИ: 269 €/16.680 ден
ЦЕНА НА АРАНЖМАНОТ: 289€/ 17.920 ден
ВО ЦЕНАТА НА АРАНЖМАНОТ Е ВКЛУЧЕНО:
- Превоз со високотуристички автобусна дадената релација
- Сместување во хотел со 3* на база 3НП (ноќевање со појадок) во регија Тоскана
- Организација, реализација и професионален туристички придружник на патувањето
ВО ЦЕНАТА НА АРАНЖМАНОТ НЕ Е ВКЛУЧЕНО:
- Целодневна посета на Сиена и Сан Џимињано (трансфер, локален водич) – 50€
- Целодневна организиранa посета на Пиза и Лука(трансфер, локален водич) – 50€
- Задолжителна посета и разглед на Фиренца(трансфер, разглед и прошетка низ Фиренца) – 30€
- Новогодишна посета на Фиренца – 20€
- Туристичка такса во хотел (3 евра по лице на ден, се плаќа во агенција)
- Патничко здравствено осигурување (до 60 години) – 300 ден
- Доплата за избор на седиште во автобус 20€ (задолжителна резервација при уплата)
- Доплата за празно седиште – 150€
- Доплата за еднокреветна соба 4.950 денари
- Индивидуални трошоци
НАПОМЕНИ:
- За реализација на ова патување, потребен е минимум од 45 патници.
- Плаќањето се врши исклучиво во денарска противвредност по курс 1 евро = 62 денари
- За резервација на аранжманот потребна е аконтација од 30%, целосна уплата најдоцна 10 дена пред поаѓање
- Попустите не се комбинираат
- Останатите услови на патување важат според годишниот програм на ХАВАНА ТРАВЕЛ
- Агенцијата го задржува правото за отказ на аранжманот најмногу 5 дена пред поаѓање.
- Патникот има обврска да се јави 24ч. пред патувањето за да потврди сатница на поаѓање.
